شعر:استاد شهریار
محرم دیر ، خانیم زینب عزاسی بیزی سسلر حسینین کربلاسی
یولی باغلی قالیب دشمن الینده داها زوارینین یوخ سس- صداسی
( بوگون کرب بلا ویران اولوب دیر )
(حسین أوز قانینا غلطان اولوب دیر )
چاغیر شاه نجف گلسین هرایه جهادیله آچاخ یول کربلایـــه
علی نین ذوالفقاری داده چاتسین حسین قربانلاری گلسین منایه
( بوگون کرب بلا ویران اولوب دیر )
(حسین أوز قانینا غلطان اولوب دیر )
جهاد میدانی دیر، ملت دایانسین مسلمان خواب غفلتدن اویانسین
اوجالسین نعره الله اکبــــــــر گرک کافر جهنم ایچره یانسین
( بوگون کرب بلا ویران اولوب دیر )
(حسین أوز قانینا غلطان اولوب دیر )
گلیب غیرت گونی ، همت زمانی اوجالداخ باشدا آذربایجانی
گئده ک صدام کافرله جهـــاده ییخاق بو بی مروت ائو ییخانی
( بوگون کرب بلا ویران اولوب دیر )
(حسین أوز قانینا غلطان اولوب دیر )
حسین زواری نین قورتاردی صبری قیراخ بو قوردلاری ، کافتاری ، بیری
آچاق یول کربلایه ، کاظمینــــــــه چکک آغوشه او شش گوشه قبری
( بوگون کرب بلا ویران اولوب دیر )
(حسین أوز قانینا غلطان اولوب دیر )
گرک دین اولماسا ، دونیانی آتماق شرف ،عزتلی بیر دونیا یاراتماق
سعادت دیر حسین قربانلاری تک شهادتله لقاء اللهه چاتماق
( بوگون کرب بلا ویران اولوب دیر )
(حسین أوز قانینا غلطان اولوب دیر )
مسلمان صف چکیب دعوایه گلسین چاغیر عباسی تاسوعایه گلسین
قیزی زینب أوزی صاحب عزادیــــر چاغیر زهرانی عاشورایه گلسین
( بوگون کرب بلا ویران اولوب دیر )
(حسین أوز قانینا غلطان اولوب دیر )
آنا ! اوغلون شهید اولدی مبارک شهادتله سعید اولدی ، مبارک
امید جنتین تاپدین ، دا سندن جهنم ناامید اولدی ، مبارک
( بئله طوی کیم گؤروب دنیاده قاسم )
( طویی یاسه دؤنن شهزاده قاسم )
آنا ! اوغلون علی اکبر فداسی طویی قاسم کیمی اولموش عزاسی
دوروب جنت قاپوسیندا گؤزتلیر که گلسینلر آناسی له ، آتاسی
( بئله طوی کیم گؤروب دنیاده قاسم )
( طویی یاسه دؤنن شهزاده قاسم )
دریافت شعرفوق:با صدای استاد شهریارواستاد موذن زاده اردبیلی
نمونه خط استاد شهریار:
